TÍTULO: As luces que se acenden e se apagan
AUTOR: TRIGO, R.
EDITORIAL: Kalandraka
ISBN: 84-8464-552-5
RÓTULO: 833(az) TRI luc Contos para contar

RESUMO:

As dúbidas e curiosidades dos lectores sobre o proceso creativo dunha obra de arte teñen resposta grazas a este libro, o primeiro que escribe Ramón Trigo.
O autor explica, cunha linguaxe sinxela, que calquera traballo relacionado coa creación é unha sucesión constante de probas e erros ata que se acada o resultado desexado. A pintura é o claro exemplo deste debate dialéctico do artista coa súa propia incertidume.
E cando está seguro o pintor de que a súa obra está rematada? “Nunca”, responde Ramón Trigo coa seguridade que lle dá a experiencia. A súa forma de traballar non é de todo metódica, pero os bosquexos -moitísimos bosquexos”, matiza Trigo- son unha ferramenta clave do proceso creativo. “Porque as ilustracións non xurden por arte de maxia”, explica o artista.

TÍTULO: Ramón preocupón
AUTOR: BROWNE, A.
EDITORIAL: Fondo de Cultura Económica
ISBN: 968-16-8079-0
RÓTULO: O mundo que me rodea

RESUMO:

A avoa ten un remedio para as preocupacións do pequeno Ramón: os “quitapenas”, uns amuletos que se levan as penas dos nenos en Guatemala e outros países de América. Unha solución salvadora para este imaxinativo neno ao que cada noite asaltan inquietantes imaxes, moi ben expresadas polo lapis máxico de Anthony Browne. Pero non todo é tan doado porque, se os seus “quitapenas” se levan os seus medos, quen llelos quitará a eles?

TÍTULO: Olivia Recibe la Navidad
AUTOR: FALCONER, I.
EDITORIAL: Fondo de Cultura Económica
ISBN: 978-968-16-8564-5
RÓTULO: 834(az) FAL oli Contos para contar

RESUMO:

É Nadal e Olivia está moi emocionada... hai tantas cousas que facer!: poñer a árbore e decoralo, axudar á súa mamá a preparar a cea, envolver os agasalloa, cantar vilancicos... en fin, todo o que se fai no Nadal. Así, por máis esgotada que estea, Olivia non pode descansar pois hai algo que a preocupa e mantena inqueda: a que hora vai chegar Santa?

TÍTULO: Confundindo Historias
AUTOR: RODARI, G.
EDITORIAL: Kalandraka
ISBN: 84-8464-503-7
RÓTULO: 833(az) ROD con

RESUMO:

El avó interrompe a plácida lectura do xornal para contarlle á neta unha historia que, non por máis clásica, lle resulta menos difícil de narrar. ¿Descoñecemento? En absoluto. O ancián consegue que sexa a pequena a que realmente reproduza o conto a base de corrixir os gazapos que deliberadamente comete porque, ‘confundindo historias’ é como o enredo se converte nun proveitoso recurso expresivo. Esta peculiar visión de Carapuchiña, ideal para ser contada, é un xogo de humor para o lector e, para os contadores de contos, toda unha lección -útil e sinxelasobre como sentir a emoción vibrante do público infantil, como lanzarlles un irresistible anzó ante o voraz apetito da súa imaxinación, que os manteña coa atención alerta.

TÍTULO: Dientes
AUTOR: YAGYU, G
EDITORIAL: Media Vaca
ISBN: 978-84-935982-5-9
RÓTULO: 833(az) YAG die O mundo que me rodea

RESUMO:

Neste libro cóntase a historia dos dentes, e o que temos que facer se queremos conservalos limpos e sans. Dientes forma parte da serie «O mapa do meu corpo», composta por seis títulos. O seu autor Genichiro Yagyu recomenda cepillar os dentes despois de cada comida facendo fris fris fris, en lugar de FROS FROS FROS

TÍTULO: Lúa
AUTOR: RUBIO, A. e VILLÁN, O.
EDITORIAL: Kalandraka
ISBN: 978-84-8464-541-2
RÓTULO: 81(az) RUB lua Libros con música

RESUMO:

Colección "Do berce a lúa". Poema visual para ser lido e recitado. A lúa e o sol, tan afastados e próximos, tecen versos e retrousos dende o ceo ata estas páxinas de cartón.

TÍTULO: Martiño
AUTOR: HERAS, C. e DASILVA, K.
EDITORIAL: Kalandraka
ISBN: 978-84-8464-612-9
RÓTULO: 833(az) HER mar Contos para contar

RESUMO:

“Cando Martiño tivo ganas de mexar na noite de Reis” é un atípico conto de Nadal, que nos amosa a particular visión dun neno sobre ese acontecemento tan especial. A narración, chea de enxeño e humor, desvela a inxenuidade e complexidade do maxín infantil. As ilustracións gozan de moita expresividade e fan deste conto un dos preferidos nas bibliotecas dos nenos. “Cando Martiño...” chega aos fogares galegos para facer sorrir a cativos e grandes, para que gocen da ledicia e da ilusión que destila cada páxina.

TÍTULO: Ah!
AUTOR: GOFFIN, J.
EDITORIAL: Kalandraka
ISBN: 978-84-8464-642-6
RÓTULO: 831(az) GOF ah Libros con sorpresa

RESUMO:

Xogan cos dobres sentidos, as adiviñas visuais e, como Magritte, ensinan que “unha pipa non sempre é unha pipa”. Non contan unha historia con introdución, nó e desenlace, senón que a cada páxina móstranse unha serie de imaxes independentes -aínda que relacionadas entre si- formando unha estrutura encadeada.
Ámbolos títulos teñen a particularidade de que as páxinas son despregables, de xeito que a primeira coa seguinte presenta unha ilustración; pero ao abrir esta última, fórmase unha imaxe distinta. Así establécese un xogo entre o que se ve, e o que se agocha, o que parece algo, pero se transforma noutra cousa...
“Ah!” descúbrenos obras destacadas da Historia da Arte, polo lo que resulta un material educativo de gran valor. A este plantexamento imaxinativo e sorprendente, engádese unha colección de ilustracións que destacan polo seu carácter plano, descritivo e doado de entender para os primeiros lectores.

OBSERVACIÓNS: Malia que se trata de libros para todas as idades, resultan especialmente atractivos para pre-lectores e primeiros lectores, xa que permiten establecer un exercicio libre de narración mentres os máis pequenos xogan a adiviñar que figuras se ocultan

TÍTULO: Orellas de bolboreta
AUTOR: AGUILAR,L. e NEVES, A.
EDITORIAL: Kalandraka
ISBN: 978-84-8464-662-4
RÓTULO: 833(az) AGU ore Libros con música

RESUMO:

Ter as orellas grandes, o pelo rebelde, ser alto ou baixo, fraco ou regordecho... Ata a característica máis nimia pode ser motivo de parodia entre uns nenos e outros. Por iso cómpre un libro que lles demostre a todos, tanto aos que dan como aos que reciben algún comentario despectivo, que eses comportamentos son reprobables.
E especialmente aos que son sinalados polos demais, a mensaxe que lles transmite este relato é que convertan en positivo aquilo que para outros sexa motivo de mofa. Porque as características que nos diferencian dos demais hai que poñelas en valor para que nos distingan como seres especiais e únicos. Porque recoñecer e mesmo reivindicar a diferenza fainos fortes, aceptándonos como somos e reforzando a nosa personalidade. É o primeiro paso para aprender a rir dun mesmo...
Luisa Aguilar amosa unha gran sensibilidade neste texto sinxelo e cheo de forza literaria, que transporta o lector a un mundo de formas, cores, emocións e sentimentos. A figura materna destaca como referente vital da protagonista, que contesta a cada comentario dos nenos seguindo as indicacións da súa nai: o que para outros é un defecto, para Mara é unha vantaxe da que os demais carecen.